Perder o medo a perderte
foi o que me perdeu a min.
Perdín os sonos, a honra, o xuízo...
Perdín o rumbo ao perderte a ti.
Perdín moito tempo xogando
a un xogo que non puiden gañar.
Agora xa non se me perde nada
nesta estúpida vida de azar.
Perdinlle o respeto á morte
ao perder a cabeza por ti.
Perdín a paciencia, perdín o norte.
Perdino todo ao perderte a ti.
No hay comentarios:
Publicar un comentario